Featured Posts

  • සංගා කියු දේ තේරුම් ගනිමු

    ශ්‍රි ලාංකිකයෙකුට ආඩම්බරයෙන් සිහිපත් කල හැකි අවස්ථාවක් ලද සංගා සිදු කල කථාවද ශ්‍රි ලාංකීය ක්‍රිඩා ලෝලීන් ගෙ හදවත් තුල පමණක් නොව ලොව පුරා ක්‍රිඩා ලෝලීන් දහස් ගණනකගේද සිත් තුල දිගු කලක් රැව් පිලි රැව් දෙනු ඇත . සොඳුරු ක්‍රිඩාවක් දේශාපාලනීකරණය වීමේ විපාක අත්විඳිනා පලමු දේශය අප නොවූවත් , අප මේ වන විට ගත කරමින් සිටින්නේ එහි අඳුරුතම අවධිය බැව් නම් පැහැදිලිය ......

  • Ready චිත්‍රපට විචාරය |Ready Movie Review

    චිත්‍රපටය සාම්ප්‍රදායික හින්දි සිනමා වට්ටෝරුවේම නිර්මාණයකි . වර්ථමානයට ගැලපෙන රූපරාමූ භාවිතය හා හාස්‍ය උත්පාදක නිර්මාණයක් වශයෙන් දක්වන සාර්ථකත්වය නිර්මාණයට යම් තරමක ආලෝකයක් එක් කරයි

  • Double Dhamaal චිත්‍රපටියේ විචාරය | Double Dhamaal Review

    සාර්ථක හාස්‍යෝත්පාදක නිර්මාණයකට උචිත කථා තේමාවක් හරහා ගොනු වූවත් අතාත්වික අධි රංගනයන් නිසා සාර්ථක නිර්මාණයක් යැයි කිව නොහැක . එසේ වුවත් අවස්ථානූකූල හාස්‍යක් උපදවන සාමාන්‍යයෙන් රසවිඳිය හැකි නිර්මාණයකි

  • සංගා කියු දේ තේරුම් ගනිමු

    ශ්‍රි ලාංකිකයෙකුට ආඩම්බරයෙන් සිහිපත් කල හැකි අවස්ථාවක් ලද සංගා සිදු කල කථාවද ශ්‍රි ලාංකීය ක්‍රිඩා ලෝලීන් ගෙ හදවත් තුල පමණක් නොව ලොව පුරා ක්‍රිඩා ලෝලීන් දහස් ගණනකගේද සිත් තුල දිගු කලක් රැව් පිලි රැව් දෙනු ඇත . සොඳුරු ක්‍රිඩාවක් දේශාපාලනීකරණය වීමේ විපාක අත්විඳිනා පලමු දේශය අප නොවූවත් , අප මේ වන විට ගත කරමින් සිටින්නේ එහි අඳුරුතම අවධිය බැව් නම් පැහැදිලිය ......

  • භාතිය - සන්තුශ්ගේ දේදුන්න සේදී සමඟින් ඉරාජ්ගේ පොලිසිය

    ඉරාජ්ගේ පොලිසිය ගීතයේ විඩියෝවත් ඊයේ නිකුත් වුනා , භාතියල්-සන්තුෂ්ගේ දේදුන්න සේදී ගීතයේ විඩියෝව මට බලා ගන්න ලැබුනෙත් ඊයේ .නව පරපුරේ සංගීතවේදීන් දෙපිරිසකගෙ එකිනෙකට හාත්පසින් වෙනස් මේ ගීත දෙකත් , විඩියෝ පට දෙකත් මතු කරන්නේ අමුතුම රසාස්වාදයන්

Tuesday, November 22, 2011

Delhi Belly - වෙනස් ආකාරයේ බොලිවුඩ් සිනමා අත්දැකීමක් (වඩාත් සුදුසු වැඩිහිටියන්ටයි )

මේ ටික දවසකට කලින් බොලිවුඩ් සිංහලෙන් බ්ලොග් අඩවියට ලියපු ලිපියක් . නැවතත් පල කරන්නේ නොබලපු කෙනෙකුගේ දැනගැනීමට . විශේෂයෙන්ම Delhi Belly චිත්‍රපටිය කියන්නේ ටිකක් වෙනස් ආකාරයක බොලිවුඩ් චිත්‍රපටියක් . බොලිවුඩ් කියන්නෙ ගස් වටෙන නටන එක විතරයි කියන මතයේ ඉන්න අයගේ අදහස වුනත් වෙනස් වෙයි මේ චිත්‍රපටිය බැලුවොත් . මේ චිත්‍රපටිය වගේම පහල තියන ට්‍රේලරයත් වැඩිහිටියන්ට තමයි වැඩිය සුදුසු (වැඩිහිටි කිව්වාට අවුරුදු  15/16ක්  කෙනෙකුට නම් අවුලක් වෙන එකක් නැ :) )

කථාව

ටාශි නිතින් සහ අරුප් කියන්නේ දිල්හි නගරයේ අපිරිසිදු මහල් නිවාසයක බොහොම අපිලිවෙල ජීවිත ගත කරන තුන් දෙනෙක් . වෘත්තියෙන් මාධ්‍යවෙදියෙක් වුනු ටාශිත් ඔහුගේ මිතුරනුත් අමුතු ඇබැද්දියකට මුහුණ පාන්නේ ටාශිගෙ පෙම්වතිය ලබාදෙන පාර්සලයක් නිසා . මේ සම්බන්ධ සිදුවීම් ජාලය තමයි බොහොම හාස්‍යෝත්පාදක ආකාරයට දිල්හි බෙලි චිත්‍රපටයට පාදක වෙලා තියෙන්නෙ


නිල ප්‍රචාරක පටය (uncensored )






අපේ අදහස |Editor's Comments
  • වැඩිහිටි රසාස්වාදයට සුදුසු කොමඩි වර්ගයේ චිත්‍රපටියක් විදිහට තමයි අමීර් කානුත් මේ නිර්මාණය නම් කලේ , ඒ අතින් ඉතාම සාර්ථක ලෙස මේ චිත්‍රපටය එම කාර්යය ඉටු කරනවාය කියල කියන්න පුලුවන්
  • කොමඩි චිත්‍රපටියක් උනත් අධිරංගනයන් භාවිතා නොකර යථාර්තවාදී චරිත හා සිදුවීම් හරහා ඒ හාස්‍යය මතු කරන්න නිර්මාණ කරුවා සමත් වෙලා තියෙනව
  • සමාජීය ලක්ෂණ සමහරකට වගේම බොලිවුඩ් සිනමාවේ ඇතැම් තැන් වලට පවා අලංකාර ලෙසින් පහර දෙන්න නිර්මාණ කරුවා සමත් වෙලා තියනව
  • ලිංගික දර්ශන වශයෙන් නම් යමක් නැති උනත් (සිප ගැනීම් හැර ) පාවිච්චි කරන වචන වගේම ඇඟවීම් වගේ දේවල් නිසා කුඩා දරුවෙකුට නම් කිසිසේත්ම සුදුසු නැ , අඩුම තරමේ වයස 16ක් වත් වුන කෙනෙක් විය යුතුයි කියලයි අපේ නිර්දේශය
  • රංගනය , අධ්‍යක්ෂනය , සංස්කරණය ඇතුලු චිත්‍රපටියේ සියලු අංග නිර්මාණයෙ තේමාවට අදාල ඉතාම හොඳ මට්ටමේ පවතිනව කියල කියන්න පුලුවන්
  • ඉහලින් තියන නිල ප්‍රචාරක පටය චිත්‍රපටිය පිලිබඳ ඉතාම නිවැරදි සාම්පලයක් කිව්වොත් නිවැරදියි , අනිවාර්යයෙන්ම ඒක බලන්න ඔබේ ඒ විඩියෝව හිතට අල්ලනවා නම් ඔබ චිත්‍රපටියටත් කැමති වෙන එක සහතිකයි
  • අපි සඳහන් කරල තියන කරුණු කාරණා ඔය නිල ප්‍රචාරක පටියෙන් බලාගන්න පූලුවන් ,සාමාන්‍ය බොලිවුඩ් රසිකයෙකුට විතරක් නෙවෙයි ඕනිම චිත්‍රපටි රසිකයෙකුට මේ චිත්‍රපටිය අපුරු වින්දනයක් එක කරාවි
Our Overall Rating - 4/5



චිත්‍රපටියේ හොඳ මට්ටමේ පිටපතක් භාගත කරගැනීමට පහත පද කොපි කරල ගුගල් හරහා සෙවුමක් කරන්න (මීට වඩා ගුණාත්මක ප්‍රමාණයෙන් විශාල පිටපත් වුනත් සැහෙන්න තියනව . ඔබ කැමති ටොරන්ට් සෙවුම් යන්ත්‍රයකට ගිහින් චිත්‍රපටියෙ නම කොපි කරල පේස්ට් කලොත් අදාල සියලුම පිටපත් ගැන දැනගන්න පුලුවන් )

Delhi Belly - Hindi - DVDRip - XviD - 1CDRip - [DDR]

(ඉහත සෙවුම් පද දැනුවත් කිරීමේ අරමුණින් පමණක් පල කර ඇත |Above search keywords are posted solely for the information uses )

Monday, September 12, 2011

Singham චිත්‍රපටයේ විචාරය |Singham Movie Review



NOTE - මෙම ලිපිය "බොලිවුඩ් සිංහලෙන් " බ්ලොග් අඩවිය වෙනුවෙන් ලියා එහි පල කරන ලද්දකි . මේ පල කරන්නේ එහිදී නොකියවූ අයෙක් වේ නම් ඔවුන් වෙනුවෙනි

මේ වසරේ තිරගත වුණු අතිසාර්ථක සිනමා නිර්මාණයක් වුන Singham චිත්‍රපටිය ගැන මූලික තොරතුරු අපි ඔබට අරන් ආවා DVD පටය නිකුත් විම පිලිබඳ ලිපියෙදි . මෙතනින් ඒ ලිපියට යන්න පුලුවන් . මේ ඉදිරිපත් කරන්න සුදානම් වෙන්නේ චිත්‍රපටියට අදාල විචාරය

කථාව

බාජි රාවො සින්ගම් කියන්නේ ගෝව- මහා රාෂ්ට්‍ර ප්‍රාත්න සිමාවේ පුංචි ගමක සේවය කරන අවංක පොලිස් නිලධාරියෙක් . ගමේ ධනවතෙකුගේ පුතෙක් වුනු සිංගම් පොලිස් පොතේ ලියනවට වඩා තමන්ම මැදිහත් වෙලා ගමේ ප්‍රශ්න විසඳන එක තමයි කරන්න කැමති . ඒ නිසා ගමේ ඉන්න සියලු දෙනාම සිංගම්ය ආදරෙයි .ජය කාන්ත් ශිකරේ කියන්නේ ගෝව ප්‍රදේශයේ මැරයෙක් . දේශපාන ශකිතිය නිසා පොලිසිය අල්ලේ නටවාගෙන ඉන්න ශිකරේට , අපරාධ නඩුවක් ඇප සිද්ධියක් නිසා සිංගම් ගේ පොලිස් ස්ථානයේ අත්සන් කරන්න යන්න සිද්ධවෙනවා . ඒ සඳහා වෙන කෙනෙක් යැවීමත් , සිංගම් ඒක පිලි නොගැනීමත් නිසා තමයි මේ දෙන්නා අතර ගැටුම පටන් ගැනෙන්නේ ....

Editor's Comments | අපේ අදහස
  • ඉතාම සාම්ප්‍රදායික කථා තේමාවක් බව බැලු බැල්මට පේනවා ඇති . ඒ වුනත් මේ සරල කථා තේමාව ඇතුලේ ඉන්දියාවේ (ලංකාවටත් අදාලයි ) ප්වතින යථාර්තයකටත් එබිමක් කරනවා කිව්වොත් වඩාත් නිවැරදියි . දුෂිත දේශපාලනය නිසා අපාරාධ කාරයින් වැජඹීමත් පොලිස්ය අසරණ වීමත් මේකෙදි හොඳින්ම දකින්න ලැබෙනව
  • සාම්ප්‍රදායික කථාතේමාවක් උනත් කථාවේ ගලායාම හා අවසානය යම් තාක්දුරකට තාත්විකයි . ඉස්සර සිනමා පටවලදි දකින්න තියන සුපුරුදු අවසානයට වඩා වෙනස් , එක්තරා දුරකට ආදර්ශමත් (ඉන්දියාවේ ප්‍රාන්ත ආණ්ඩු ක්‍රමය නිසා ප්‍රායෝගික ) අවසානයක් තමයි දකින්න තියෙන්නෙ
  • දෙමල චිත්‍රපටියක් ආශ්‍රයෙන් නිපදවුනු නිසා ඒ ලක්ෂන සහිත ක්‍රියාදාම දර්ශන තමයි දකින්න තියෙන්නෙ . ඉතාම විශාල වියදමක් දරල තිබුනත් චිත්‍රපටියේ වටිනා කම සම්පූර්ණයෙන්ම හානි වෙන "බොලඳ " ක්‍රියාදාම දර්ශන තමයි අන්තර්ගත වෙලා තියෙන්නෙ . ඔබ දෙමල චිත්‍රපටි රසිකයෙක් නෙවෙයි නම් ක්‍රියාදාම දර්ශන ටික අමතක කරල කථාව බලා හිටියොත් හොඳයි . නැතනම් ඒ දර්ශන නිසා චිත්‍රපටියත් එපා වෙන්න පුලුවන්
  • සරල වින්දනාත්මක සිනමා පඨයක් වශයෙන් හොඳ හාස්‍ය උත්පාදක දර්ශනත් , කම්මැලි කමක් නොදැනෙන ගලා යාමකුත් චිත්‍රපටියේ දකින්න් තියනව

Ratings


  • Direction -3/5
  • Celebrities' Performance -2.5/5
  • Story - 3.5/5
  • Script - 3/5
  • Cinematography - 2/5
  • Music -2/5
  • Choreography -25
  • Art Direction - 3/5
  • Action - 1/5
  • Editing - 3/5
  • Special Effects - N/A
  • OVERALL -3/5

Sunday, August 21, 2011

නිල් සඳමඩෙලෙන් Centigradz අනෙන්‍යතාවය නැවතත්

ලංකාවෙ සංගීත ක්ෂේත්‍රයට අලුත් මානයක් එකතු  කරපු සංගීත කණ්ඩායමක් විදිහ්ට  සෙන්ටිග්‍රේට්z සංගීත කණ්ඩායම හඳුන්වන්න පුලුවන් . නවීන තාක්ෂනය මුසු කරපු සංගීත කණ්ඩයන් ඕනි තරම් බිහි වුනත් ගීතයක් ඇහෙන කොටම මේ නම් සෙන්ටිග්ට්‍රෙz ගීතයක් කියල නිශ්චිතව හඳුනාගන්නට පුලුවන් තරමේ  අනෙන්‍යතාවයක් මොවුන් රඳවා ගත්තාය කිව්වොත් නිවැරදියි . ඒ අනෙන්‍යතාවය එහෙමම රැක ගත්ත ඉතාමත් ළයාන්විත , අලංකාර ගීතයක් වුනු "නිල් සඳ මඬල" ගීතයේ විඩියෝ පටය නිකුත් වෙලා තියනව . බාගත කරගෙන රස විඳින්න . මේලෝ රහක් නැති ගීත ගොන්නක් අතර හිරවෙලා ඉත්දි අහන්න ලැබුනු සුවීශේෂි ගීතයක් කියල ඔබටත් දැනෙයි .  බාගත කරගැනීම වෙනුවෙන් වැය කරන දත්ත ප්‍රමාණය/කාලය අපතේ නොයැවුනු බවත් දැනෙයි

Download the video - Nil Sanda Madala by Centigradz - from Music.lk


Buddha Hoga Tera Baap චිත්‍රපටියේ විචාරය |Buddha Hoga Tera Baap Review

Note - මෙම ලිපිය "බොලිවුඩ් සිංහලෙන්" බ්ලොග් අඩවිය වෙනුවෙන් ලියා එහි පල කරන ලද ලිපියකි . එහිදී නොකියවූ අය වෙනුවෙන් මෙහිද පල කරමි


බොලිවුඩයේ සුපිරි තරුව අමිතාබ් බච්චන් සුපිරි රංගනයක නිරත වුන Buddha Hoga Tera Baap චිත්‍රපටිය පිලිබන්ද තොරතුරු අපි කලින් ඉදිරිපත් කලා . මේ ඉදිරිපත් කරන්න සුදානම් වෙන්නේ චිත්‍රපටියට අදාල විවරණය

01)Article 01
02)Article 02
03)DVD OUT

චිත්‍රපටියේ කථාව ගෙතිල තියන විදිහට ඒ ගැන යමක් සඳහන් කරන එක ඔබගේ රසාස්වාදයට ලොකු බාධාවක් වෙන්න පුලුවන් . මුල්ම ලිපියෙදි සඳහන් කරපු විදිහට අමිතාබ් බච්චන් හැත්තැව අසූව දශක වලදි රඟපාපු ආකාරයේ පාතාල සමාජික චරිතයක් තමයි මේ චිත්‍රපටියෙදිත් කරන්නෙ කියන එක මතක් කරන්න ඕනි . වයසට ගිය ඒත් හිතින් තරුණ සහ දක්ෂ පාතාල කල්ලි සමාජිකයෙකුගේ චරිතයක් තමයි අමිතාබ් කරන්නේ.

Editor's Comment | අපේ අදහස

  • මේ චිත්‍රපටිය නිමවුනේ අමිතාබ් වෙනුවෙන්ම බව තමයි චිත්‍රපටියේ අධ්‍යක්ෂක වරයා ප්‍රකාශ කලේ , ඒ වගේම ඉතින් චිත්‍රපටිය සම්පූර්නයෙන්ම ගෙතිලා තියෙන්නෙත් අමිතාබ් රඟපාන විජ්ජු කියන චරිතය වටා , විජ්ජු කථාවට ඇතුල් වුන තැන ඉඳන් රූප රාමු දෙක තුනක් ඇරුණාම ඉතුරු සියලු දර්ශන වල අමිතාබ්ව දකින්න පුලුවන්
  • චිත්‍රපටියේ කථාව සැහෙන තරමින් හොඳයි කියල කියන්න පුලුවන් . බොහොම සරල කථාවක් උනත් නොහිතන විදිහේ වෙනස් වීම් , විනෝදාත්මක ජවනිකා වගේම හොඳ ආදර්ශයකුත් මේ කථාවේ අඩංගුයි
  • චිත්‍රපටිය රුගත කිරීමේදි වර්ථමාන සිනමාවට අදාල කැමරා කෝන ආදිය භාවිතා කරල තිබුනත් . ක්‍රියාදාම දර්ශන සඳහා නම් භාවිතා කරල තියෙන්නේ අමිතාබ් ඒ කාලේ රඟපාපු චිත්‍රපට වල ක්‍රමයම තමයි . සිනමාවේ විර චරිතය ඉස්මතු කරන්න ඒ කාලේ භාවිතා කරපු රූප රාමු ආදියත් මේ චිත්‍රපටියේ තියනවා. අද කාලේ චිත්‍රපටියක ඒ වගේ දර්ශන දැක්කාම අස්භාවික හා බොලඳ ගතියක් දැනුනත් අමිතාබ්ගේ රංගනයත් නිසා මේ චිත්‍රපටිය ගැන නම් එහෙම දැනෙන්නේ නැ
  • සැහෙන තරම් හොඳ මට්ටමේ සංගීතයත් භාවිතා කරල තියන මේ චිත්‍රපටියේ අමිතාබ් ගෙ රංගනය නම් ඉතාම සුපිරියි . චිත්‍රපටියේ රසවින්දනය සම්පූර්නයෙන්ම පාදක වෙන්නේ ඔහුගෙ රංගනයත් එක්ක
  • ඔබ අමිතාබ් ගේ රසිකයෙක් නම් අනිවාර්යයෙන්ම මේ චිත්‍රපටිය ඔබේ සිත්ගනියි , එහෙම නොවුනත් බොහොම සරල විනෝදාත්මක චිත්‍රපටියක් බලන්න කැමති ඕනිම කෙනෙකුට මේ චිත්‍රපටිය ගැලපෙනව කියල කියන්න පුලුවන්
  • චිත්‍රපටියේ එන ක්‍රියාදාම විතරක් නෙවෙයි නැටුම් දර්ශන වල පවා අමිතාබ් සලකුන රැදීල තියන බවත් අමිතාබ්ගෙ රසිකයින් වෙනුවෙන් සඳහන් කරන්න ඕනි
Ratings



  • Direction -3/5
  • Celebrities' Performance -4/5 (Credit Goes to BIG B )
  • Story - 3/5
  • Script - 3/5
  • Cinematography - 2.5/5
  • Music -3/5
  • Choreography -2.5/5
  • Art Direction - 2/5
  • Action - 2.5/5
  • Editing - 2/5
  • Special Effects - N/A
  • OVERALL -2.75/5

Saturday, August 6, 2011

භාතිය - සන්තුශ්ගේ දේදුන්න සේදී සමඟින් ඉරාජ්ගේ පොලිසිය


From Music.lk
ඉරාජ්ගේ පොලිසිය ගීතයේ විඩියෝවත් ඊයේ නිකුත් වුනා , භාතියල්-සන්තුෂ්ගේ දේදුන්න සේදී ගීතයේ විඩියෝව මට බලා ගන්න ලැබුනෙත් ඊයේ .නව පරපුරේ සංගීතවේදීන් දෙපිරිසකගෙ එකිනෙකට හාත්පසින් වෙනස් මේ ගීත දෙකත් , විඩියෝ පට දෙකත් මතු කරන්නේ අමුතුම රසාස්වාදයන් . ඒ ගැන කථා කරන්න කලින් මේ විඩියෝ පට කලින් නොදැකපු කෙනෙක් ඉන්නව නම් අදාල සබැඳි|විඩියෝ පට  පහලින් තියනව



Download the video - Dedunna Sedi by Asha Bhosle, Bathiya and Santhush - from Music.lk

දේදුන්න සේදී ගීතය අහන්න ලැබිල නම් මේ වෙනකොට ගොඩක් කල් , භාතියලගේ සරා සිහින ඇල්බමයේ එන ජනප්‍රියම ගීතයක් විදිහටත් හඳුන්වන්න පුලුවන් මේ ගීතයේ තියන ලොකුම විශේෂත්වය භාරතීය ගායිකා ආශා බෝශ්ලේගේ දායකත්වය , ඉතාම ලයාන්විත මිහිරි ගිතයක් විදිහට ගොඩක් දෙනෙක්ගේ හිත ගත්ත දේදුන්න සේදී ගීතයේ විඩියෝවත්  ගීතයේ අරුත ඉතාමත් අලංකාවර රූපයට නඟපු අවස්ථාවක් කියල හඳුන්වන්න පුලුවන්

හරිහරන් සමඟ ගායනා කරපු ගීතය ඇතුලු භාතියලගේ මෑතකාලීන බොහොමයක් ගීත වේග රිද්ම ගනයට අයත්වුනු නිසා (සරා සිහින රහසේ ගීතය ඇරුණාම ) නිකුත් වුනු විඩියෝ පටත්  ගත්තේ ඒ  ශෛලියම තමයි . ඒ නිසා මේ විඩියෝ පටයත් භාතිය සන්තුෂ් රසිකයින්ට  සුවිශේෂියි .
ප්‍රවින ඉන්දියානු ගායිකාවට ලැබිය යුතු ගෞරවයත් ලබා දෙන අතරෙම ගීතයේ අන්තර්ගත දුක්මුසු ආදර අන්දරය  ඉතාම කලාත්මකව රූපයට නඟන්න මේ විඩියෝ නිර්මාණ ශිල්පියා සමත් වෙලා තියනව . ඒ සඳහා භාවිතා කරල තියන වර්ණ , දෘෂ්‍ය ප්‍රයෝග , කැමරා කෝණ හා චලනයන්  ඉතාම විශිෂ්ටයි . කලාත්මක  බවක අංශු මාත්‍රයක් වත් රැඳිල නැති චිත්‍රපට , ටෙලිනාට්‍ය බිහිවෙන රටක ගීත රූපරචනා කලාව හෝ මේ වගේ උසස් කලාත්මක බවක් දැරීම සතුටට කාරණයක්

බොහෝ වෙලාවට එකම අච්චුවට දාල කථා කලත් ඉරාජ් සහ භාතියලාගේ සංගීතය අතර පැහැදිලි වෙනස් කම් තියන බව ඒ පිලිබඳව අවධානයෙන් ඉන්න කෙනෙකුට නම්  හොඳින් පේන කාරණයක් . ඉරාජ්ගේ පොලිස් විඩියෝවත් සාමාන්‍ය ඉරාජ් රටාවේ ගිතයක් විදිහට තමයි හඳුන්ව්න්න පුලුවන් . ඉතාම සරල තනුවක් සිංහල රැප් මාලාවක් කියන තමන්ගේ සුපුරුදු මොඩලය අනුවම ඉරාජ් මේ ගීතය නිර්මාණය කරල තිබුනත් මේ ගීතයේ පදමාලාවේ හා රූප රචනයේ විශාල වැදගත් කමක් තියනව . "ගේමක් දීලා" ගීතයෙන් ඉතාම සෘජුව එහමත් නැතන්ම් "අමුවෙන්ම " කරපු සමාජ විවේචනය මේ පාර  අලුත් විදිහකට කරන්න ඉරාජ් සමත් වෙලා  තියනව . දකින වරද කෙලින් නොකියා ඊට සම්පූර්ණ විරුද්ධාර්තය ඉදිරිපත් කරන එක  ඔලුව අතගාන ගමන් පිහියෙන් අනින් වැඩක් . විජය කුමාරනතුංග පොලිස් කථාබහ , ගීතයේ අන්තිමට ඉදිරිපත් කරන පුවත් කොටස් සහ ඉරාජ්ගේ ප්‍රාර්ථනාව  වගේ දේවල්   අපුරුවට ගලපපු රූප රාමුත් එක්ක මුසු වුනාම මතු කරන්නේ අමුතුම විදිහේ හාස්‍ය රසයක් . මැත කාලීනව බිහි වෙච්ච හොඳම උපහාස්ත්මක කලා නිර්මාණය මේ "පොලිසිය "  ගීතය කියලයි මම නම් හිතෙන්නේ
විවිධ හැඩතලයේ ගීත , ජාත්‍යන්තර කලාකරුවන් සමඟින් එකතුව බිහි කරන්නටත් , ඒවාට වින්දනීය රූප රාමු එකතු කරන්නටත් භාතිය- සන්තුෂ්ට හැකිවේවායි කියල ප්‍රාර්ථනා කරන ගමන් සරලව සහ බොක්කට දැනෙන විදිහට සමාජය විවේචනය කරන්න ඉරාජ්ට ත් හැකිවේවා කියල මම ප්‍රාර්ථනා කරනව
Related Posts Plugin for WordPress, Blogger...